zeichen setzen
Fotogalerie 2014 (ALT+F)
Medien 2015 (ALT+M)
-
überregional
Bundesverband (ALT+U)
Bundeskämmerei (ALT+N)
Bundeszentrum (ALT+Z)
Stiftung (ALT+T)
Magazin pfa.de (ALT+I)
Jamboree 2015 (ALT+J)
Bundesfahrt 2016 (ALT+H)
-
regional
Ringverband (ALT+R)
Ringzeltplatz (ALT+P)
-

Dr Erlgeenich

 

Ä Babba, där reidet mit Gustav, sein Sohn,

Seit anderthalb Schtunden dorchs Rosendahl schon.

Dr Doktor, der hatn Bewäächung emfohln,

Die will sich dr Alde nu jede Nacht holn.

Sei Gleener wärd ängstlich un meent: "Gugge da,

Dr Erlgeenich schbukt dort, schon gommtr ganz nah!"

"Ächa, dummes Gind", brillt dr Babba zurick,

"De bist ähm schon schläfrich, da flimmert dr Blick."

"Ich sähn awer doch, dorten feixtr im Busche,

Äs Mondlicht, das fälltn diräkt uff de Gusche."

"Ich weeß gar nich, Gustav, was du heite hast,

Das is weiter nischt wie ä schimmlicher Ast."

"Nee, nee, gannst mrsch gloom, 's is ä Gärl un drhinter

Da schwähm seine Dechter. Verbibbch, sin das Ginder!

De eene, die winkt mitn Schnubbduch un lacht,

Ach Babba, is das änne gomische Nacht!"

Dr Alde wärd ärcherlich, reidet wie dumm

Un meent zu sein Jung: "Gugg dich bloß nich mähr um!

De schteckst een ja dadsächlich an mit dein Bleedsinn.

Wie gann bloß ä neinjährches Gind so verdreht sin!"

Un doller noch reidet dr Babba drufflos,

Wild fliechen de Fätzen von Aerde un Moos,

Dr Gaul schnauft wie närrsch, wärft de Mähne gen Himmel

Un denkt: Was mei Reider is, där hat ä Fimmel! -

Na endlich da landense, 's wärd schon bald helle.

Dr Alde greift hinter sich - läär is de Schtelle.

Da ruftr un gratzt sich drbei hintern Ohrn:

"So 's richtch, jetz habbch Gustaven glicklich verlorn!"

Nach oben
Bund der Pfadfinderinnen & Pfadfinder e.V.
Robert-Bosch-Str. 10
35510 Butzbach
Tel. 06033 / 924 90
info@pfadfinden.de
www.pfadfinden.de
Mitglied in
World Association of Girl Guides and Girl Scouts
World Organization of the Scout Movement